Toby Alderweireld, varnarmaður Tottenham er á leiðinni til Katar. Þetta kemur fram í frétt á BBC í dag. Belginn á að hafa flogið til Doha í frekar samningaviðræður við katarska liðið Al-Duhail.
Tottenham er sagt vilja 13 milljónir punda fyrir miðvörðin sem kom til félagsins árið 2015. Samningur Alderweireld rennur út árið 2023 en þjálfari Spurs, Nuno Espirito Santo og Fabio Paratici, nýr yfirmaður knattspyrnumála eru að gera breytingar á liðinu í sumar.
Al-Duhail hefur notið gríðarlegrar velgengni undanfarin ár en liðið hefur unnið katörsku deildina sjö sinnum á síðustu tíu árum.