Samkvæmt spænska blaðinu Sport vildi Manchester United selja hollenska miðjumanninn Donny van de Beek til Barcelona í sumar. Leikmaðurinn vill hins vegar vera áfram í Manchester.
Van de Beek kom til Man Utd frá Ajax síðasta sumar fyrir 34 milljónir punda. Fyrsta leiktíð hans var þó vonbrigði. Hann kom aðeins við sögu í fjórum leikjum í ensku úrvalsdeildinni.
Í kjölfarið fóru af stað orðrómar um að hann myndi fara frá félaginu eftir aðeins eitt tímabil.
Man Utd vildi koma honum til Barcelona en leikmaðurinn sjálfur vill ekki fara. Ekki kemur fram hvort að Börsungar hafi verið reiðubúnir til þess að kaupa leikmanninn.
Hinn 24 ára gamli van de Beek ætlar að berjast fyrir sæti sínu í liðinu hjá Ole Gunnar Solskjær, knattspyrnustjóra Man Utd.