Franski miðvörðurinn Raphael Varane hefur átt í beinum viðræðum við Manchester United í viku. Fabrizio Romano greinir frá.
Samningur hins 28 ára gamla Varane við Real Madrid rennur út næsta sumar. Leikmaðurinn vill spila í ensku úrvalsdeildinni.
Það kemur þó einnig fram að hann muni sýna Real virðingu og ekki þvinga fram sölu.
Það er aðeins undir Man Utd og Real komið að ná saman um kaupverð á leikmanninum. Sjálfur er hann tilbúinn til þess að ganga í raðir enska félagsins.
Varane hefur verið á mála hjá Real í áratug. Hann kostaði félagið aðeins 10 milljónir evra á sínum tíma. Hann reyndist mikill happafengur.