fbpx
Föstudagur 30.júlí 2021
433Sport

Saksóknari varar almenning við því að ræða mál Gylfa – Gáleysisleg ummæli á samfélagsmiðlum geti skaðað réttarhöldin

Ritstjórn DV
Þriðjudaginn 20. júlí 2021 21:10

Gylfi Þór Sigurðsson. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Í samræmi við breskar réttarreglur er nafni Gylfa Þórs Sigurðssonar haldið leyndu í fréttaflutningi þarlendra fjölmiðla af málum hans, en Gylfi er grunaður um kynferðisbrot gegn manneskju undir lögaldri. Hann var tekinn til yfirheyrslu síðasta föstudag en látinn laus að henni lokinni. Húsleit var gerð hjá honum fyrr í mánuðinum.

Meðal þeirra fjölmiðla sem fjallað hafa um málið án þess að nefna Gylfa á nafn er The Guardian. Þar eru höfð viðvörunarorð eftir saksóknaranum Michael Ellis, sem segir að almenningur verði að fara varlega í tali sínu um málið. „Allir eru saklausir uns sekt er sönnuð og allir eiga rétt á sanngjörnum réttarhöldum,“ segir Ellis við The Guardian.

Hann segir enn fremur:

„Dómgreindarlaust tíst eða færsla gæti haft alvarlegar afleiðingar og truflað réttarhöld, gæti valdið því að þau tefjast eða í versta falli stöðvast vegna þess að ekki er möguleiki á sanngjörnum réttarhöldum. Þess vegna vara ég alla við, ekki standa í vegi þess að réttlætinu verði fullnægt.“

Segir hann ennfremur að saksóknaraembættið muni fylgjast grannt með hvort einhverir gera sig seka um óvirðingu við dóminn. Slíkt felst meðal annars í því að fjalla um sakamál sem ekki hefur verið úrskurðað í á þann hátt að geti spillt réttarhöldum.

RÚV bar málið undir Guðna Bergsson, formann KSÍ, og segir hann að sambandið muni ekki tjá sig um fréttirnar af Gylfa fyrr en eftir að formleg staðfesting um að hann hafi verið handtekinn og yfirheyrður hafi borist. Engin slík staðfesting hefur borist.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 14 klukkutímum

Valur úr leik í Sambandsdeildinni

Valur úr leik í Sambandsdeildinni
433Sport
Fyrir 19 klukkutímum

Tómas Þór rifjaði upp þegar hann laug að fyrrum stjörnu Man Utd – ,,Hef ekki þorað að tala við hann síðan“

Tómas Þór rifjaði upp þegar hann laug að fyrrum stjörnu Man Utd – ,,Hef ekki þorað að tala við hann síðan“
433Sport
Fyrir 22 klukkutímum

Stelpurnar selja Rooney höfundaréttinn á óumbeðnu myndunum – ,,Bjuggust ekki við því að myndirnar myndu rata í fjölmiðla“

Stelpurnar selja Rooney höfundaréttinn á óumbeðnu myndunum – ,,Bjuggust ekki við því að myndirnar myndu rata í fjölmiðla“
433Sport
Fyrir 22 klukkutímum

Myndir: Chelsea og Man City kynna nýja varabúninga til leiks

Myndir: Chelsea og Man City kynna nýja varabúninga til leiks
433Sport
Í gær

Lengjudeild karla: Fjölnir kom til baka gegn Grindavík

Lengjudeild karla: Fjölnir kom til baka gegn Grindavík
433Sport
Í gær

Pepsi Max deild kvenna – Stjarnan í 3. sætið eftir góðan sigur á Selfyssingum

Pepsi Max deild kvenna – Stjarnan í 3. sætið eftir góðan sigur á Selfyssingum