Celtic og FC Midtjylland gerðu 1-1 jafntefli í fyrri leik liðanna í 2. umferð forkeppni Meistaradeildar Evrópu í kvöld.
Liel Abada kom Skotunum yfir á 39. mínútu eftir mikla pressu heimamanna. Nir Bitton var svo rekinn af velli á 44. mínutu þegar hann fékk að líta sitt annað gula spjald í leiknum. Celtic voru hins vegar ekki manni færri lengi. Anders Dreyer, leikmaður Midtyjlland fékk að líta rauða spjaldið á 56. mínútu og því 10 gegn 10 á vellinum. Evander jafnaði metin fyrir Danina á 66. mínútu með marki beint úr aukaspyrnu.
Bæði lið sóttu til sigurs en 1-1 jafntefli niðurstaða. Góð úrslit fyrir Mikael Anderson og félaga.
Íslenski landsliðsmaðurinn byrjaði leikinn á miðjunni en fór af velli eftir 72. mínútur.
Seinni leikur liðanna fer fram þann 28. júlí næstkomandi.
Lokatölur:
Celtic 1 – 1 Midtjylland
1-0 Liel Abada (’39)
1-1 Evander (’66)