Jordan Henderson, fyrirliði Liverpool gæti verið á förum frá félaginu ef marka má fréttir dagsins.
Henderson kom til Liverpool frá Sunderland árið 2011 og hefur verið lykilmaður hjá félaginu og fyrirliði síðustu ár.
James Pearce, er mjög áreiðanlegur þegar kemur að fréttum frá Liverpool, og David Ornstein skrifuðu grein í The Athletic þar sem farið var yfir mál Henderson. Auk þess sagði Dominic King, blaðamaður Daily Mail, að það sé raunverulegur möguleiki á því að Henderson yfirgefi Liverpool í sumar.
Henderson hefur fundað með félaginu um nýjan samning síðan í lok síðasta tímabil en þær viðræður hafa ekki gengið vel. Samningur hans við Liverpool rennur út árið 2023.
Mörg lið eru talin hafa áhuga á miðjumanninum knáa, meðal annars PSG og Atlético Madrid.
Stuðningsmenn Liverpool hafa tjáð sig um málið á Twitter í dag og ljóst er að þeir eru afar ósáttir við þróun mála og verður ekki vinsælt hjá eigendum klúbbsins ef þeir selja fyrirliðann.
There's uncertainty over Jordan Henderson's future at #LFC. Talks over a new contract have taken place since the end of last season but no real progress made. His current deal runs until 2023.
A joint piece with @David_Ornstein https://t.co/QKWengig0M— James Pearce (@JamesPearceLFC) July 19, 2021