Kristján Óli Sigurðsson sagði í hlaðvarpsþættinum Dr. Football í gær að Síminn borgi 3,1 milljarð íslenskra króna fyrir að fá að sýna frá ensku úrvalsdeildinni næstu þrjú árin.
Síminn hefur verið með sjónvarpsréttinn á enska boltanum síðan 2019. Rétturinn átti að renna út næsta sumar en hefur nú verið framlengdur.
Það kom einnig fram í þættinum að fyrirtækið hafi fengið samkeppni frá Sýn um sjónvarpsréttinn en síðarnefndi aðilinn var ekki til í að greiða sömu fjárhæðir og Síminn.
Allir leikirnir í ensku úrvalsdeildinni verða sýndir í beinni útsendingu á næstu leiktíð. Það er breyting frá síðustu árum.