Samkvæmt frétt Mirror þá lauk Jadon Sancho læknisskoðun hjá Manchester United áður en hann skellti sér svo beint í sumarfrí með einkaþotu.
Félagaskipti Sancho hafa verið yfirvofandi undanfarið. Leikmaðurinn er á leið til Man Utd frá Borussia Dortmund á 73 milljónir punda. Aðeins á eftir að staðfesta skiptin.
Með Sancho í för var nýr liðsfélagi hans hjá Manchester United, Marcus Rashford.
Báðir eru þeir nú komnir í sumarfrí eftir að hafa leikið með enska landsliðinu á Evrópumótinu í sumar. Þar fór England alla leið í úrslit.