fbpx
Laugardagur 21.maí 2022
433Sport

Lengjudeild karla: Afturelding burstaði Víking Ó. – Grótta og Kórdrengir með sigra

Helgi Sigurðsson
Fimmtudaginn 15. júlí 2021 21:14

Ekki missa af Helstu tíðindum dagsins í pósthólfið þitt

Lesa nánar

Þremur leikjum er nýlokið í 12. umferð Lengjudeildar karla.

Grótta vann uppgjör liðanna sem féllu úr Pepsi Max

Grótta vann virkilega góðan heimasigur á Fjölni.

Guðmundur Karl Guðmundsson, leikmaður Fjölnis, varð fyrir því óláni að setja boltann í eigið net á 65. mínútu og kom heimamönnum yfir.

Kristófer Melsted tvöfaldaði forystu Gróttu þegar tíu mínútur lifðu leiks.

Helgi Snær Agnarsson minnkaði muninn fyrir gestina úr Grafarvoginum í lok leiks. Nær komust þeir þó ekki. Lokatölur 2-1.

Grótta er komin upp í fimmta sæti deildarinnar með 17 stig. Fjölnir er í sjötta sæti með jafnmörg stig en verri markatölu.

Kórdrengir unnu nýliðaslaginn

Kórdrengir unnu Selfoss í uppgjöri nýliðanna í deildinni. Leikið var á Selfossi.

Davíð Þór Ásbjörnsson gerði eina mark leiksins á 78. mínútu. Lokatölur 0-1 fyrir gestina.

Kórdrengir eru í þriðja sæti deildarinnar með 22 stig, stigi á eftir ÍBV sem er í öðru sæti.

Selfoss er í tíunda sæti með 9 stig. Liðið er 2 stigum á undan Þrótti Reykjavík sem er í fallsæti. Síðarnefnda liðið á þó leik til góða.

Afturelding fór illa með Víking Ó.

Afturelding tók á móti Víkingi Ólafsvík í Mosfellsbæ og unnu stórsigur.

Það voru þó gestirnir sem náðu forystunni á 8. mínútu þegar Jose Javier Amat Domenech skoraði.

Arnór Gauti Ragnarsson jafnaði fyrir Aftureldingu á 24. mínútu og kom þeim yfir stundarfjórðungi síðar.

Aron Elí Sævarsson gerði þriðja mark Aftureldingar snemma í seinni hálfleik.

Þegar 20 mínútur lifðu leiks kom Pedro Vazquez þeim svo í 4-1.

Kristófer Óskar Óskarsson skoraði fimmta markið á 85. mínútu áður en Hafliði Sigurðarson innsiglaði 6-1 sigri liðsins í lok leiks.

Afturelding er í sjöunda sæti deildarinnar með 16 stig. Víkingar eru á botninum með aðeins 2 stig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 15 klukkutímum

Baunar á þá eftir að börnin voru sett í hættulegar aðstæður

Baunar á þá eftir að börnin voru sett í hættulegar aðstæður
433Sport
Fyrir 16 klukkutímum

Grípa til sérstakra úrræða vegna áhorfenda sem ráðast inn á völlinn – Nýr búnaður fyrir öryggisverði

Grípa til sérstakra úrræða vegna áhorfenda sem ráðast inn á völlinn – Nýr búnaður fyrir öryggisverði
433Sport
Fyrir 20 klukkutímum

Sögur á kreiki um að drengurinn ungi velji Bandaríkin frekar en Ísland

Sögur á kreiki um að drengurinn ungi velji Bandaríkin frekar en Ísland
433Sport
Fyrir 20 klukkutímum

Eyddi tæpum 100 milljónum í úr til að kveðja – Allir vinir hans fengu eina Rollu

Eyddi tæpum 100 milljónum í úr til að kveðja – Allir vinir hans fengu eina Rollu
433Sport
Fyrir 23 klukkutímum

Fullyrt að Mbappe verði áfram – Fær 16 milljarða fyrir að halda áfram í vinnunni

Fullyrt að Mbappe verði áfram – Fær 16 milljarða fyrir að halda áfram í vinnunni
433Sport
Í gær

Klopp ætlar ekki að hringja í Gerrard

Klopp ætlar ekki að hringja í Gerrard