Fylkir vann afar mikilvægan sigur á KA í Pepsi Max-deild karla í kvöld. Leikurinn var liður í 12. umferð.
Orri Sveinn Stefánsson kom Fylki yfir eftir að hafa fylgt eftir skoti Djair Parfitt-Williams. Staðan í hálfleik var 1-0.
Orri Hrafn Kjartansson tvöfaldaði forystu heimamanna eftir klukkutíma leik með frábæru marki.
Hallgrímur Mar Steingrímsson minnkaði muninn fyrir KA stuttu síðar. Hann átti þá skot sem fór af Degi Dan Þórhallssyni og í netið.
Gestirnir reyndu hvað þeir gátu að jafna í lok leiks. Allt kom þó fyrir ekki. Lokatölur 2-1.
Fylkir er í sjötta sæti með 14 stig eftir tólf leiki. Þeir komu sér 4 stigum frá fallsvæði með sigrinum.
Slapið er slæmt fyrir KA í Evrópubaráttunni. Liðið er í fimmta sæti með 17 stig eftir ellefu leiki.