Lazio hefur kynnt til leiks Maurizio Sarri sem stjóra félagsins en hann skrifaði undir tveggja ára samning við félagið.
Sarri var kynntur til leiks fyrr í dag en Lazio fór þá leið að birta mynd af sígarettu. Hann er þekktur fyrir að reykja mikið.
Sarri var áður þjálfari Juventus en hefur verið án starfs í ár eftir að hafa verið rekinn frá stórveldinu eftir aðeins ár í starfi.
Sarri er þekktastur fyrir magnað starf hjá Napoli en þangað fór hann svo til Chelsea þar sem hann vann Evrópudeildina.
Sarri fékk tveggja ára samning en hann er þekktur fyrir að spila nokkuð skemmtilegan fótbolta, þar sem mikil áhersla er lögð á að halda í boltann.