Viðræðum Tottenham við Antonio Conte var hætt vegna þess að Daniel Levy, stjórnarformaður Tottenham, þótti kröfur Conte óraunhæfar og taldi að þær gætu haft skaðleg áhrif á félagið.
Mikið var ritað og rætt um viðræður Conte við Tottenham síðustu vikuna. Levy ákvað að slíta viðræðum við hann seint í vikunni. Það er vegna þess að Conte heimtaði 100 milljón punda fjármagn í leikmannakaup í sumar ásamt 15 milljónum punda í laun á ári hverju að því er fram kemur í frétt The Sun.
Conte vildi vera viss um að félagið ætlaði sér stóra hluti og vildi keppast um stærstu titlana. Til þess þurfti hann fjármagn til að versla nýja leikmenn.
„Um leið og Conte varð laus þá þurftum við að tala við hann,“ sagði heimildarmaður úr stjórn Tottenham.
„Hann er flottur þjálfari með frábæra ferilskrá. Daniel Levy fannst kröfur Conte óraunhæfar og taldi að þær gætu skaðað klúbbinn til framtíðar.“
