Knattspyrnusamband Evrópu hefur greint frá því að breyting hafi orðið á reglugerð sambandsins er varðar mörk á útivelli. Hingað
til hefur það dugað liðið að skora meira á útivelli ef einvígi endar jafnt eftir tvo leiki.
Með breytingunni telja mörk á útivelli ekkert meira og hefur þessi regla nú þegar tekið gildi. Á hún við um allar keppnir á vegum UEFA.
Mörk á útivelli hafa í gegnum árin verið ansi dýrmæt í útsláttarkeppnum og gefið forskot ef vel fer í fyrri leiknum í tveggja leikja einvígi.
Íslensk lið sem eru á leið í Evrópukeppni munu án nokkurs vafa vera með þessa breytingu í kollinum þegar haldið verður í tveggja leikja einvígi. Ekki er jafn mikil pressa að sækja mark á útivelli í fyrri leik.
Ef einvígi endar með jafntefli verður nú farið í framlengingu og þaðan í vítaspyrnukeppni ef þörf krefur.