Lionel Messi á afmæli í dag og vöktu liðsfélagar hans í argentínska landsliðinu hann í nótt til þess að óska honum til hamingju með daginn. Afmælissöngurinn var sunginn fyrir Messi og þá fékk hann einnig afmælisköku og gjafir.
Messi virtist himinlifandi með þennan óvænta glaðning liðsfélaganna en herbergisfélagi hans, Sergio Aguero, var það ekki og vildi ólmur fá að fara aftur að sofa.
Lionel Messi setti sjálfur inn myndband af þessu á Instragram í dag. Myndbandið má sjá hér að neðan.
Messi er nú með argentíska landsliðinu á Copa America sem fram fer í Brasilíu. Liðið er á toppi A-riðils í mótinu. Messi jafnaði met Javier Mascherano í leiknum gegn Paraguay en þeir hafa báðir leikið 147 leiki fyrir Argentínu. Í leikjunum 147 hefur Messi skorað 73 mörk.