Martin Braithwaite sóknarmaður Barcelona og danska landsliðsins hefur fengið þau skilaboð frá félaginu að hann spili ekki eina sekúndu með Börsungum á næstu leiktíð.
Spænskir miðlar segja frá en koma Memphis Depay og Kun Aguero til félagsins hefur orðið til þess að Braithwaite er afarlega í röðinni.
West Ham, Burnley, Brighton og Norwich í ensku úrvalsdeildinni hafa öll áhuga á að kaupa Braithwaite sem hefur spilað vel á Evrópumótinu með Dönum.
Braithwaite var keyptur til Barcelona árið 2020 þegar félagið var í neyð og vantaði sóknarmann, hann er þrítugur en lék áður með Middlesbrough.
Jóhann Berg Guðmundsson og félagar í Burnley hafa ekkert styrkt lið sitt í sumar og gætu vel nýtt krafta Braithwaite.