Rétt í þessu lauk síðustu tveimur leikjunum í riðlakeppni Evrópumótsins í knattspyrnu.
Ungverjar komust óvænt yfir á snemma leiks með marki frá Szalai. Þjóðverjar stjórnuðu leiknum og áttu nokkur fín færi en Ungverjar voru fastir fyrir og lögðu leikinn vel upp.
Kai Havertz jafnaði leikinn á 66. mínútu en Ungverjar náðu strax að endurheimta forystuna með flottu marki frá Schafer. Þjóðverjar gáfust þó ekki upp og jafnaði Goretzka aftur á 84. mínútu.
Ungverjar 2 – 2 Þýskaland
1-0 Szalai (´11)
1-1 Havertz (´66)
2-1 Schafer (´68)
2-2 Goretzka (´84)
Portúgalar komust yfir með marki frá Ronaldo úr vítaspyrnu eftir hálftíma leik. Frakkar fengu afar umdeilt víti á lokasekúndum fyrri hálfleiks sem Benzema skoraði úr og jafnaði þar með metin. Þetta var hans fyrsta mark fyrir franska landsliðið frá 2015.
Benzema var aftur á ferðinni strax í byrjun seinni hálfleiks og kom Frökkum yfir. Þegar um klukkustund var liðin af leiknum fengu Portúgalar annað víti og Ronaldo brást ekki bogalistin á punktinum sem fyrr en með þessu marki jafnaði hann markamet Ali Daie með sínu 109. landsliðsmarki.
Portúgal 2 – 2 Frakkland
1-0 Ronaldo (´30)
1-1 Benzema (´45+2)
1-2 Benzema (´47)
2-2 Ronaldo (´60)
Þetta þýðir að Frakkland, Þýskaland og Portúgal fara öll áfram í 16-liða úrslit.