Rétt í þessu lauk tveimur leikjum á Evrópumótinu í knattspyrnu. Spánverjar unnu stórsigur á Slóvökum og Svíar sigruðu Pólverja.
Loksins áttu Spánverjar góðan leik á EM er þeir sundurspiluðu Slóvakíu. Morata klúðraði vítaspyrnu snemma leiks en Dubravka skoraði ótrúlegt sjálfsmark á 30. mínútu og eftir það opnuðust flóðgáttir. Laporte skoraði annað markið, Sarabia það þriðja og Torres fjórða markið. Kucka skoraði loks sjálfsmark á 71. mínútu og gulltryggði með því stórsigur Spánverja.
Slóvakía 0 – 5 Spánn
0-1 Dubravka sjálfsmark (´30)
0-2 Laporte (45+3)
0-3 Sarabia (56)
0-4 Torres (67)
0-5 Kucka sjálfsmark (71)
Svíar komust í 2-0 með tveimur mörkum frá Forsberg, það fyrra strax eftir tvær mínútur og annað eftir tæplega klukkutíma leik. Pólverjar áttu ansi mörg góð færi og klúðraði Lewandowski nokkrum dauðafærum. Hann bætti upp fyrir það á 61. mínútu þegar hann minnkaði muninn og svo jafnaði hann leikinn á 84. mínútu. Svíar voru ekki hættir og skoraði Claesson sigurmarkið á lokamínútu uppbótartíma.
Svíþjóð 3 – 2 Pólland
1-0 Forsberg (´2)
2-0 Forsberg (´59)
2-1 Lewandowski (´61)
2-2 Lewandowski (´84)
3-2 Claesson (90+4)
Úrslitin þýða að Svíþjóð endar í 1. sæti með 7 stig og Spánverjar í 2. sæti með 5 stig. Slóvakar sitja í 3. sæti og Pólverjar á botninum með 2 stig.