Bjarni Benediktsson fjármálaráðherra segir að Dagur B Eggertsson og borgarstjórn hans sé ekki klár að taka þátt í að borga nýjan þjóðarleikvang í knattspyrnu í Laugardal.
Reykjavíkurborg er eigandi vallarins en plön um að breyta og bæta völlinn hafa lengi verið á teikniborðinu, minna hefur heyrst af málinu síðustu mánuði og virðist málið var í biðstöðu.
„Það sem er kannski að koma í ljós er að Reykjavíkurborg virðist ekki tilbúin að taka á sig þann stofnkostnað sem leiðir af hlutdeild hennar í félaginu, þótt hún hafi lagt mikið kapp á það í upphafi að hafa meirihluta,“ sagði Bjarni Benediktsson í grein sinni í Morgunblaðinu.
Bjarni veltir því fyrir sér hvort þjóðarleikvangur eigi frekar heima í öðru bæjarfélagi ef Dagur og hans fólk vill ekki taka upp veskið.
„Það er mikilvægt að það liggi fyrir að hvaða marki Reykjavíkurborg sér ávinning af því að hafa þjóðarleikvang í Reykjavík. Það er ekki fyrirfram gefin niðurstaða en við vildum leggja af stað með verkefnið í þeirri trú að Reykjavíkurborg legði upp úr því að mannvirkið risi í höfuðborginni og í Laugardalnum. En það hefur ekki fengist botn í það samtal. Ég hef lagt áherslu á að í millitíðinni séum við að nýta tímann til að greina þá valkosti sem við stöndum frammi fyrir,“ segir Bjarni í umfjöllun um mál þetta í Morgunblaðinu í dag.