Franski blaðamaðurinn Daniel Riolo segir að Kylian Mbappe hafi ekki í hyggju að vera mikið lengur hjá Paris Saint-Germain.
Hinn 22 ára gamli Mbappe hefur verið í París frá árinu 2017. Síðan þá hefur hann þó reglulega verið orðaður við önnur stórlið, til að mynda Real Madrid.
Samningur leikmannsins rennur út næsta sumar. Samkvæmt Riolo hefur Mbappe látið æðstu menn hjá PSG vita af áætlunum sínum um að yfirgefa félagið.
,,Ég veit að Mbappe bað um að fá að fara. Það er samt flókið því fyrst þarf að finna lið sem er tilbúið að borga honum laun. Það nýjasta í stöðunni er þó að hann vill í raun ekki vera áfram,“ sagði Riolo við RMC Sport.
Þessir fréttir stanga á við það sem Nasser Al Khelaifi, forseti PSG, sagði fyrir stuttu. Þá stóð hann fastur á því að Mbappe myndi alls ekki yfirgefa félagið.