Real Madrid horfir til Pau Torres, miðvarðar Villarreal, til að leysa af Sergio Ramos. Spænska blaðið AS greinir frá þessu.
Ramos kvaddi Real í vikunni eftir 16 ár hjá félaginu. Það er ljóst að það þarf alvöru leikmann til að fylla hans skarð.
Hinn 24 ára gamli Torres var lykilmaður í liði Unai Emery sem vann Evrópudeildina á leiktíðinni eftir æsispennandi vítaspyrnukeppni í úrslitaleik gegn Manchester United.
Man Utd hefur einmitt einnig áhuga á miðverðinum. Það gæti því orðið samkeppni á milli þeirra og Real í sumar.
Verðmiðinn á Torres er sagður vera um 43 milljónir punda. Það gæti verið erfitt fyrir spænska risann að reiða fram þá upphæð í sumar vegna fjárhagsvandræði í kjölfar kórónuveirufaraldursins.
Það myndi klárlega gefa Man Utd forskot í viðræðunum. Þeir gætu freistað þess að fá hann strax í sumar.