Hjörvar Hafliðason, þáttastjórnandi hlaðvarpsþáttarins Dr. Football, gaf lítið fyrir það sem sérfræðingar Stöðvar 2 Sport höfðu að segja um leik Vals og Breiðabliks í Pepsi Max-deild karla í vikunni.
Valur vann leikinn 3-1 en Blikar voru yfir í flestum tölfræðiþáttum leiksins. Nánar er hægt að lesa um það hér.
Hjörvar furðaði sig á því hvað sérfræðingar Stöðvar 2 Sport höfðu að segja eftir leik.
,,Það var rosalegt að hlusta á Stúkuna á Stöð 2 Sport þar sem að var einhver helstu ‘old man take’ sem að ég hef séð bara í sjónvarpi í mörg ár í sjónvarpi þar sem þeir voru að tala um að miðjumenn Breiðabliks hafi ekki verið að standa sig nógu vel af því að þeir voru ekki að fá gul spjöld. Öll tölfræði segir okkur að Breiðablik var með alla stjórn á miðsvæðinu, vinna miklu fleiri einvígi, vinna boltann miklu nær marki Valsmanna,“ sagði Hjörvar. ,,Það telur lítið þegar þú vinnur ekki leikina,“ bætti hann við.