Faiq Bolkiah er ríkasti fótboltamaður í heimi. Hann er 23 ára gamall og spilar fyrir Maritimo í Portgúal. Hann var á mála hjá Leicester City frá 2016-2020 og þá var hann bæði í unglingaliði Chelsea og Arsenal.
Vængmaðurinn er einn af erfingjum Hassanal Bolkiah sem er metinn á 13 milljarða punda. Hann á því meira á bankabókinni en stórstjörnurnar Cristiano Ronaldo og Lionel Messi.
Þrátt fyrir að koma úr svona ríkri fjölskyldu og vera hluti af konungsfjölskyldu Brunei þá hefur það ekki stoppað kappann frá því að reyna fyrir sér í fótboltanum.
Hann eyddi löngum tíma á Englandi en náði þó ekki að spila leik í aðalliði. Hann hefur spilað sex landsleiki fyrir Brunei og skorað eitt mark.
Faiq Bolkiah ólst upp með gullskeið í munni en faðir hans er þekktur fyrir eyða svakalegum fjárhæðum og var þekktur sem glaumgosi konungsfjölskyldunnar í Brunei.
Á einum tímapunkti eyddi faðir hans um 35 milljónum punda á mánuði í bíla og úr og um einni milljón punda í karaókí partý með fallegum konum. Talið er að faðir hans hafi átt um 2300 bíla þegar hæst bar.