Ísak Óli Ólafsson sem lék sína fyrstu A-landsleiki á dögunum hefur yfirgefið Íslands eftir að hafa verið seldur á milli félaga í Danmörku.
Ísak var á láni frá SønderjyskE í Danmörku hjá Keflavík en Esbjerg hefur nú fest kaup á honum.
Yfirlýsing Keflavíkur:
Eftir að hafa komið aftur heim til Keflavíkur á láni frá Danska úrvalsdeildarliðinu SønderjyskE sem keypti Ísak frá okkur 2019. Lánssamningurinn átti að gilda út ágúst en danska liðið Esbjerg hefur keypt Ísak og heldur hann til Danmerkur aftur í dag og gengst undir læknisskoðun á sunnudag hjá Esbjerg.
Það var virkilega ánægjulegt að sjá Ísak aftur í Keflavíkurtreyjunni og hann er að sjálfsögðu alltaf velkominn aftur. Núna vonum við að okkar maður springi út og sýni sínar allra bestu hliðar í Danaveldi!