Patrick Vieira telur að Ítalir muni ekki komast alla leið á Evrópumótinu í knattspyrnu sem nú stendur yfir þrátt fyrir að hafa litið vel út og verið fyrsta liðið til að tryggja sér sæti í 16-liða úrslitum.
Vieira var ekki ánægður með frammistöðu Ítala í 3-0 sigrinum gegn Sviss í gærkvöldi og telur að liðinu vanti hraða og kraft.
„Fyrstu tveir leikirnir sem þeir spiluðu voru léttir. Auðvitað þarftu að vinna þá sem eru fyrir framan þig, en ég hef efasemdir um að þeir komist á leiðarenda,“ sagði Vieira við ITV.
„Þá vantar styrk, kraft og hraða til þess að vera hættulegir fram á við.“
„Það er alltof snemmt að halda að Ítalir geti gert eitthvað á þessu móti.“
Gary Neville tók í sama streng í settinu.
„Ítalir voru ekki í neinum vandræðum í kvöld en áhyggjurnar fyrir þá eru að þeir hafa ekki fengið alvöru próf,“ sagði Neville við ITV.
Ítalir eru nú ósigraðir í 29 leikjum í röð í öllum keppnum. Síðasti tapleikur þeirra kom gegn Portúgal í Þjóðadeildinni árið 2018.