Það vakti mikla athygli í gær að Jason Daði hafi byrjað á bekknum hjá Breiðablik er þeir mættu Valsmönnum á Hlíðarenda í gær. Valur vann leikinn 3-1.
Óskar var spurður út í þessa ákvörðun fyrir leik og sagði hann í viðtali við Stöð 2 Sport að Jason væri búinn að hlaupa mikið undanfarið og væri þreyttur. Þessi ummæli vöktu mikla athygli og ræddu Hjörvar, Arnar og Keli þetta mál í hlaðvarpsþættinum Dr. Football.
„Þeir eiga leik 24. maí, síðan eiga þeir leik þremur vikum síðar, 12. júní, á móti Fylki. Jason Daði gat ekki spilað í kvöld af því hann er búinn að hlaupa svo mikið. Annaðhvort er Óskar að ljúga og hann bara setur hann á bekkinn af því hann vildi fá einhvern annan inn eða að hann er farinn að ofhugsa hlutina,“ sagði Arnar sveinn Geirsson í Dr. Football.
„Mér finnst þetta skrítin skýring og efast um að hún sé sönn,“
„Hann er með þriggja vikna pásu drengurinn, hann er ungur. Hann á alveg að geta spilað 12. júní og svo aftur 16. júní,“ sagði Arnar í Dr. Football.