fbpx
Fimmtudagur 29.júlí 2021
433Sport

Pepsi Max-deild karla: Tvö rauð spjöld er KA vann uppi á Skaga – Dýrmæt stig Keflvíkinga

Helgi Sigurðsson
Miðvikudaginn 16. júní 2021 20:04

Ekki missa af Helstu tíðindum dagsins í pósthólfið þitt

Lesa nánar

Tveimur leikjum lauk nú fyrir stuttu í 8. umferð Pepsi Max-deildar karla.

Mikill hiti í lokin í sigri KA

ÍA tók á móti KA uppi á Skaga. Gestirnir unnu góðan sigur.

Norðanmenn byrjuðu leikinn betur. Dusan Brkovic kom þeim yfir á 11. mínútu. Þá skoraði hann er hann fylgdi eftir skoti sem hafði verið varið.

Skagamenn unnu sig aðeins inn í leikinn þegar leið á fyrri hálfleikinn. Staðan í hálfleik var þó 0-1.

Ásgeir Sigurgeirsson tvöfaldaði forystu KA þegar 20 mínútur lifðu leiks. Hann skoraði þá með góðri afgreiðslu.

Óttar Bjarni Guðmundsson, leikmaður ÍA fékk rautt spjald fyrir ljótt brot á Hallgrími Mar Steingrímssyni. Einhver hiti virðist hafa orðið í kjölfarið því Hrannar Björn Steingrímsson, í þjálfarateymi KA, fékk rautt spjald einnig.

Lokatölur urðu 0-2 fyrir KA. Þeir eru nú í þriðja sæti deildarinnar með 16 stig, stigi á eftir Val og tveimur á eftir Víkingi. KA á þó leik til góða á bæði lið.

ÍA er í neðsta sæti eftir úrslit kvöldsins, með fimm stig.

Annar sigur Keflvíkinga

Keflavík tók á móti HK. Heimamenn unnu mikilvægan sigur í fallbaráttunni.

Joey Gibbs kom Keflavík yfir skömmu fyrir lok fyrri hálfleiks með flottu marki úr aukaspyrnu. Staðan í hálfleik var 1-0.

Hann var aftur á ferðinni í blálok leiksins til að gulltryggja 2-0 sigur liðsins. Það mark skoraði hann með góðu skoti fyrir utan teig.

Keflavík fer upp úr fallsæti með sigrinum. Liðið er í tíunda sæti með 6 stig, jafnmörg og Stjarnan og HK. Keflavík er með betri markatölu en Stjarnan en aðeins lakari markatölu en HK. Síðastnefnda liðið er því í níunda sæti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 11 klukkutímum

Rio Ferdinand nefnir þá tvö vanmetnustu sem hann lék með hjá Man Utd – ,,Makalele síns tíma“

Rio Ferdinand nefnir þá tvö vanmetnustu sem hann lék með hjá Man Utd – ,,Makalele síns tíma“
433Sport
Fyrir 12 klukkutímum

Fleiri smit í boltanum – Leik frestað

Fleiri smit í boltanum – Leik frestað
433Sport
Fyrir 16 klukkutímum

Virtur blaðamaður með högg í maga stuðningsmanna Liverpool

Virtur blaðamaður með högg í maga stuðningsmanna Liverpool
433Sport
Fyrir 16 klukkutímum

Lítur ansi illa út eftir eftir að gamalt tíst var rifjað upp – Hraunaði yfir menn sem beita konur ofbeldi en er nú sakaður um það sjálfur

Lítur ansi illa út eftir eftir að gamalt tíst var rifjað upp – Hraunaði yfir menn sem beita konur ofbeldi en er nú sakaður um það sjálfur