Cristiano Ronaldo vakti athygli á blaðamannafundi portúgalska landsliðsins í gærkvöldi þegar hann ráðlagði fólki að drekka vatn í stað Coca-Cola.
Coca-Cola er stærsti gosframleiðandi í heiminum í dag og er stærsti styrktaraðili Evrópumótsins og því þótti eðlilegt að sjá kókflöskur á blaðamannafundinum. Ronaldo var þó hneykslaður á því og færði þær í burtu.
Cristiano Ronaldo lifir afar heilsusamlega og leyfir sér sjaldan að drekka gos og borða óhollan mat og er það talin helsta ástæðan fyrir þessu atviki.
Jan Aage Fjortoft benti þó á aðra ástæðu fyrir þessari óánægju með Coke en hann hefur þetta eftir Ole Gunnar Solskjaer.
„Ronaldo kom einu sinni niður í morgunmat með Coke í hendinni. Giggs ýtti honum að veggnum og sagði: „Aldrei gera þetta aftur,“ var haft eftir Fjortoft. Ronaldo fylgir greinilega enn þessari skipun enn í dag og vill ekki hafa Coke nálægt sér.
🥤👀 Cristiano Ronaldo wasn't pleased with the bottles of coke at his press conference and shouted 'drink water!'…#POR | #CR7 pic.twitter.com/QwKeyKx2II
— The Sportsman (@TheSportsman) June 14, 2021