Manchester United og Juventus eru að skoða það að skipta á leikmönnum. The Sun greinir frá. Leikmennirnir sem um ræðir eru þeir Paul Pogba og Cristiano Ronaldo en þeir eiga það sameiginlegt að hafa spilað fyrir bæði lið.
Báðir tveir eiga aðeins eitt ár eftir af samningum sínum við félögin. Pogba hefur lítið gefið í skyn hver framtíðarplön hans eru en umboðsmaður hans, Mino Raiola, er þekktur fyrir að vera ansi erfiður í samningaviðræðum svo það gæti orðið erfitt fyrir hann að semja um nýjan samning við Manchester United.
Einnig er sagt að Ronaldo vilji frekar ganga til liðs við franska liðið Paris Saint-Germain og að það sé hans helsta ósk. Þar er nú þegar ansi ágæt framlína sem státar af Kylian Mbappe, Neymar og Di Maria en liðið þyrfti líklegast að selja einn af þeim til að gera pláss fyrir Ronaldo.
Ronaldo spilar um þessar mundir með Portúgal á Evrópumótinu en í gangi núna er leikur þeirra gegn Ungverjalandi. Pogba spilar svo seinna í kvöld þegar Frakkar mæta Þjóðverjum. Þeir mætast svo 23. júní á Puskas-vellinum í Ungverjalandi.