Andri Lucas Guðjohnsen leikmaður Real Madrid snéri aftur á knattspyrnuvöllinn um helgina eftir langa og erfiða tíu mánuði í endurhæfingu. Andri sem er einn efnilegasti knattspyrnumaður sem Íslendingar hafa átt varð fyrir því óláni að slíta krossband á síðasta ári.
Andri Lucas er 19 ára gamall en hann hefur alla tíð búið erlendis, fyrst í Lundúnum þar sem faðir hans Eiður Smári Guðjohnsen lék með Chelsea og síðan hefur hann búið á Spáni. Fyrst var fjölskyldan búsett í Barcelona en nú í Madríd þar sem Andri og Daníel Tristan Guðjohnsen, yngri bróðir hans leika fyrir Real Madrid.
Andri Lucas er afar öflugur sóknarmaður sem hefur leikið fyrir yngri landslið Íslands. Andri snéri aftur á völlinn um helgina og fagna margir því að sjá hann snúa aftur.
Faðir hans, Eiður Smári er á meðal þeirra sem fagna. „Velkominn aftur,“ skrifar Eiður Smári við færsluna sem Andri birtir á Instagram.
„Þvílíkur maður,“ skrifar Andri Fannar Baldursson leikmaður Bologna og fleiri taka í sama streng, þar á meðal er Auðunn Blöndal.
View this post on Instagram