Liverpool hefur framlengt samning Adrian við félagið en frá þessu greinir félagið á vef sínum í dag. Adrian kom frítt til félagsins árið 2019.
Adrian hefur spilað 24 leiki í öllum keppnum fyrir Liverpool á tveimur árum hans hjá félaginu, hann hefur þurft að hlaupa í skarðið þegar Alisson Becker er ekki með.
Adrian hefur unnið ensku deildina, Meistaradeildina, HM félagsliða og Ofurbikarinn á tíma sínum hjá Liverpool. Áður var hann hjá West Ham.
„Ég er glaður, ég er mjög sáttur með að vera áfram hérna,“ sagði markvörðurinn sem leikur í treyju númer 13 hjá Liverpool.
„Þetta eru verðlaun frá klúbbnum fyrir mikla vinnu sem ég hef lagt á mig. Ég er þakklátur fyrir traustið, frá stjóranum og félaginu.“
