Stjarnan hefur samið við danska miðjumanninn Casper Sloth. Leikmaður lék á sínum tíma átta A-landsleiki fyrir Danmörku.
Sloth er 29 ára gamall. Hann lék síðast með Helsingör í dönsku B-deildinni. Hann hefur einnig leikið með AGF, AaB og Silkeborg í heimalandinu. Þá lék hann einnig með Leeds og Notts County á Englandi sem og Motherwell í Skotlandi.
Miðað við ferilskránna ætti hann að reynast drjúgur liðsstyrkur fyrir Stjörnuna. Liðið hefur verið í vandræðum á tímabilinu. Það er í tíunda sæti með 6 stig eftir átta leiki. Stjarnan vann þó sinn fyrsta leik í Pepsi Max-deildinni á leiktíðinni gegn Val í gær.
Félagaskiptaglugginn á Íslandi opnar þann 1. júlí. Þá verður Sloth löglegur með Garðbæingum.
— Stjarnan FC (@FCStjarnan) June 13, 2021