Joao Cancelo verður ekki með Portúgal á Evrópumótinu þar sem hann hefur greinst með kórónuveiruna. Diogo Dalot kemur inn í hópinn í hans stað.
Þetta eru afar slæm tíðindi fyrir portúgalska liðið, enda var Cancelo frábær á nýafstaðinni leiktíð með Manchester City.
Dalot, sem er á mála hjá Manchester United, leysir hann af. Hann lék með AC Milan á láni á síðustu leiktíð.
Portúgal er í F-riðli Evrópumótsins með Frökkum, Þjóðverjum og Ungverjum. Liðið hefur leik á þriðjudaginn gegn Unverjalandi.