Íslendingar voru á ferðinni með sínum liðum í Noregi og Svíþjóð í dag.
Norska úrvalsdeildin
Íslendingaliðin Kristansund og Sandefjörd léku í efstu deild Noregs í dag.
Brynjólfur Willumsson kom inn á sem varamaður og lék í um stundarfjórðung með Kristiansund í 2-0 sigri gegn Odd.
Viðar Ari Jónsson var þá í byrjunarliði Sandefjörd í 1-3 tapi gegn Molde. Hann fór af velli þegar um stundarfjórðungur var eftir.
Kristiansund er á toppi deildarinnar með 15 stig eftir sjö leiki. Sandefjörd er í næstneðsta sæti með 3 stig. Þeir hafa þó aðeins leikið fimm leiki.
Sænska B-deildin
Íslendingaliðin Brage og Östers áttu leiki í sænsku B-deildinni í dag.
Bjarni Mark Antonsson var í byrjunarliði Brage í 2-1 tapi gegn Landskrona. Honum var skipt af velli eftir rúmar 80 mínútur.
Alex Freyr Hauksson sat þá allan leikinn á varamannabekk Östers í markalausu jafntefli gegn Vasteras.
Brage er í fimmtánda, næstneðsta sæti deildarinnar með 9 stig eftir tíu leiki. Östers er í ellefta sæti með 12 stig, einnig eftir tíu leiki.