Paul Pogba var fljótur að láta sig hverfa af blaðamannafundi á blaðamannafundi þegar liðsfélagar hans í franska landsliðinu spurðu hann út í hugsanleg félagaskipti til Paris Saint-Germain.
Pogba á eitt ár eftir af samningi sínum við Manchester United. Það kom fram fyrr í dag að viðræður um nýjan samning væru farnar af stað. Takist ekki að semja gæti Man Utd farið þá leið að selja hann í sumar.
Miðjumaðurinn undirbýr sig nú fyrir Evrópumótið ásamt franska landsliðinu. Á blaðamannafundi liðsins ákváðu þeir Kingsley Coman og Prensel Kimpembe, liðsfélagar Pogba hjá landsliðinu, að stríða honum aðeins.
Coman og Kimpembe voru til viðtals þegar Pogba mætti til þeirra. ,,Við erum að tala um París,“ sagði Kimpembe og Coman bætti við ,,Þú ert þaðan, ekki satt?“ Pogba svaraði því játandi og strax í kjölfarið spurðu þeir hann hvort að forseti PSG, Nasser Al-Khelaifi, hafi haft samband við hann. Pogba svaraði því neitandi og lét sig hverfa af fundinum eins fljótt og auðið var.
Myndband af atvikinu má sjá hér fyrir neðan.
Paul Pogba made a swift exit after being asked about joining PSG by his France teammates 😅👋
(via @infosportplus)pic.twitter.com/MuU8ZyIFKg
— ESPN FC (@ESPNFC) June 10, 2021