Samkvæmt enskum götublöðum er Glazer fjölskyldan klár í að róa stuðningsmenn sína með því að gera tilraun til að kaupa Harry Kane frá Tottenham í sumar.
Ensk blöð segja að Glazer fjölskyldan vilji bæta ímynd sína og gleðja stuðningsmenn sem brutust inn á heimavöll félagsins um helgina. Stuðningsmenn United mótmæltu Glazer fjölskyldunni harkalega og komu í veg fyrir heimaleik liðsins gegn Liverpool.
Glazer fjölskyldan ætlar sér ekki að selja United en félagið vill kaupa Kane í sumar. Ensk blöð segja að félagið sé tilbúið að bjóða 90 milljónir punda til að byrja með.
Ólíklegt er að Tottenham selji á því verði nema að Kane fari fram á sölu og verði með almenn leiðindi til að losna. Líklegt er að Daniel Levy stjórnarformaður Tottenham vilji 150 milljónir punda ef hann á að íhuga að selja Kane.
Kane er sagður skoða það alvarlega að fara fram á sölu í sumar en hann er 27 ára gamall og vill fara að vinna titla. Ólíklegt er að það gerist hjá Tottenham miðað við stöðuna í dag.