Ole Gunnar Solskjær stjóri Manchester United skoðar markvarðarstöðuna sína í sumar en auknar líkur eru á því að David de Gea fari frá félaginu.
De Gea er orðinn varamarkvörður hjá United í dag en hann er launahæsti leikmaður félagsins, hann gæti viljað fara en óvíst er hvort United geti losað hann.
Ef De Gea fer vantar markvörð til að veita Dean Henderson markverði félagsins samkeppni, Henderson hefur tekið stöðuna og virðist vera að eigna sér hana.
Ensk blöð segja frá því í dag að United skoði að fá Tom Heaton til félagsins í sumar frá Aston Villa. Heaton er varamarkvörður Villa í dag en hann lék áður með Burnley.
Heaton er 35 ára gamall en hann ólst upp hjá United og yfirgaf félagið árið 2010. Sergio Romero yfirgefu United í sumar og er Solskjær sagður skoða Heaton sem kost til að vera til taks ef Henderson meiðist.