Sir Alex Ferguson einn fremsti þjálfari í sögu fótboltans barðist fyrir lífi sínu árið 2018, hann fékk þá heilablóðfall og var haldið á gjörgsælu um nokkurt skeið.
Ferguson náði að lokum fullum bata en atburðarásin er eitt af því sem kemur fram í nýrri heimildarmynd um þennan magnaða skoska mann. Myndin kemur út í lok mánaðarins.
Augnablikið þegar sonur Sir Alex hringir á sjúkrabíl kemur fyrir í myndinni og er það birt í nýrri stiklu fyrir myndina. Myndin fer yfir líf Ferguson, frá æskuárunum í Skotlandi yfir til Manchester þar sem hann er lifandi goðsögn.
„Ég grét, ég man ekki neitt,“ segir Ferguson um atvikið þegar hann féll til jarðar, hann óttaðist það að missa minni sitt.
Ferguson hætti sem þjálfari Manchester United árið 2013 en hann situr í stjórn félagsins og er áfram sagður stjórna miklu á bak við tjöldin.
Stikluna úr heimildarmynd hans má sjá hér að neðan.
🎥 Presenting the official trailer for @FergusonFilm…
Go to https://t.co/YPz8iFaj4R for more info.
Available:
📅 27 May: UK cinemas
📅 31 May: Rent & own internationally#MUFC #SirAlexFergusonFilm pic.twitter.com/mxl9fLSXUu— Manchester United (@ManUtd) May 5, 2021