Fjölmiðlamaðurinn Benedikt Bóas Hinriksson fór mikinn í sjónvarpsþætti 433 sem var sýndur á Hringbraut klukkan 20:00 í gær. Benedikt sem lengi hefur starfað í fjölmiðlum er ósáttur með það hvernig Stöð2 Sport stendur sig í umfjöllun um efstu deild karla.
Efsta deild karla fór af stað um síðustu helgi og þar voru allir leikir í beinni útsendingu, Benna fannst hins vegar ýmislegt vanda uppá.
„Ég hef lengi talað fyrir því að Stöð2 Sport er ástlaust rekald, það er ekkert í gangi þarna. Þetta var vont. Mér fannst þetta stefna í stórslys um leið og Gummi Ben skúbbar því í öðrum miðli að dómarar ætli að koma í viðtöl. Það er bara stórfrétt sem starfsmaður stöðvarinnar segir hjá Dr. Football, þó Hjörvar vilji ekki kalla sig fjölmiðil þá er það stærsta hlaðvarparið. Þetta er það sem fólk hlustar á, mér fannst það fáránlegt að maðurinn skildi fara í þetta hlaðvarp og tala um dómarana,“ sagði Benedikt
Fyrsti leikur Íslandsmótsins fór fram á Hlíðarenda á föstudag og þar gat Benni fundið ýmislegt sem honum fannst ekki í lagi.
„Síðan kemur útsendingin Valur – ÍA, Camera 1 sem er víða myndavélin á vellinum. Þetta var ógeðslega langt frá og asnaleg myndataka, það var erfitt að sjá markið hans Kidda. Þú þurftir að fara nálægt sjónvarpinu. Lýsingin í lokin að hún er bara á Atla Viðari, Gummi Ben stóð bara í skugga. Þetta er allt svona, HK og KA fór of seint af stað. Ef ég væri KSÍ og ÍTF þá myndi segja ´Ef þetta eru gæðin sem þið ætlið að bjóða upp á, þá riftum við þessum nýja samningi´,“ sagði Benedikt öskuillur en Stöð2 Sport hefur tryggt sér útsendingarétt af deildinni til næstu ári.
„Þetta er búið að vera á þessari leið í langan tíma, við sáum það með El Clasico. Þeir fara alltaf í loftið fimm mínútum, ekki með neina upphitun. Það er ekkert í gangi þarna. Enski bikarinn, þeir hafa ekki margt á stöðinni.“
Í stað þess að vera með heildstæðan markaþátt mun Stöð2 Sport gera upp leikina samdægurs og voru því þrír stuttir markaþættir um helgina.
„Það er einhver ný stefna að vera ekki með markaþátt, ég fylgist með dönskum og sænskum fjölmiðlum og það eru markaþættir. Match of The Day er nokkuð gott, ef ég er heiðarlegur. Mér finnst Stöð2 Sport ekki á góðri leið, ég nenni ekki að horfa á fótboltaleiki ef þeir byrja of seint, myndatakan er léleg og fleira í þeim dúr.“
Umræðuna má sjá í heild hér að neðan.