Randers tók á móti Bröndby í dönsku úrvalsdeildinni í dag. Leiknum lauk með 4-2 sigri Randers.
Hjörtur Hermannsson, var á sínum stað í hjarta varnarinnar hjá Bröndby og hann kom liðinu yfir með marki á 16. mínútu eftir stoðsendingu frá Peter Bjur.
Randers svaraði hins vegar með þremur mörkum og komst í stöðuna 3-1.
Simon Hedlund, minnkaði muninn fyrir Bröndby með marki á 73. mínútu en það var Tobias Klysner sem bætti við fjórða marki Randers og tryggði liðinu 4-2 sigur.
Tapið er mjög slæmt fyrir Bröndby sem er að berjast á toppi deildarinnar. Liðið er eftir leikinn með 52 stig í 2. sæti, einu stigi á eftir Midtjylland sem leikur nú á móti Nordsjælland.