Chelsea og Barcelona mætast í úrslitaleik Meistaradeildar kvenna í kvöld. Leikið verður í Gautaborg í Svíþjóð.
Hvorugt liðið hefur áður orðið Evrópumeistari og því ljóst að nýtt nafn verður ritað á bikarinn í kvöld. Barcelona hefur einu sinni komist í úrslitaleikinn. Það var fyrir tveimur árum síðan. Þá tapaði liðið gegn Lyon, sem er einmitt ríkjandi Evrópumeistari (þær hafa reyndar unnið síðustu fimm tímabil). Chelsea er að fara inn í sinn fyrsta úrslitaleik í keppninni.
Chelsea varð enskur meistari á dögunum og geta Emma Hayes og hennar konur því kórónað tímabilið með sigri í kvöld.
Barcelona vann þá sína deild heima fyrir með yfirburðum.
Leikurin hefst klukkan 19:00 í kvöld og verður í beinni á Stöð 2 Sport 2.