Ensk blöð segja frá því í dag að Manchester United vilji reyna að ganga frá kaupum á Jadon Sancho kantmanni Borussia Dortmund á allra næstu vikum.
Í frétt Daily Mail segir að forráðamenn United vilji helst klára kaupin núna í maí og vonast forráðamenn félagsins til að kaupa hann á 77 milljónir punda.
Sancho er með munnlegt samkomulag við Dortmund um að hann geti farið í sumar, United reyndi að kaupa hann á talsvert hærri upphæð fyrir ári síðan en Dotmund vildi ekki selja.
Síðan þá hefur Dortmund lækkað verðmiða sinn og segir í fréttinni að United vilji helst ganga frá kaupum á Sancho fyrir Evrópumótið.
Í fréttum segir einnig að United muni ekki eltast við Erling Haaland eða Harry Kane í sumar, félagið framlengdi við Edinson Cavani í gær og þá mun Mason Greenwood fá fleiri tækifæri sem fremsti maður og fyrir er Anthony Martial hjá félaginu.
