Glen Kamara, leikmaður Glasgow Rangers, segir að Ondrej Kudela, leikmaður Slavia Prag, hafi viðhaft kynþáttaníð í leik liðanna í Evrópudeildinni á dögunum. Slavia Prag sigraði 2-0 og sendi skosku meistarana út úr keppninni.
Tveir leikmenn Rangers voru reknir út af í leiknum. Á lokamínútunum kom til orðaskaks og átaka á milli Kudela og Kamara og segir sá síðarnefndi að hann hafi verið kallaður „api“ en þar er um tilvísun í hörundslit hans að ræða en hann er þeldökkur.
Kudela hélt hönd yfir munni sínum þegar hann sagði þetta en Kudela hefur verið settur í bann á meðan málið er til ransóknar.
Kamara á kæru yfir höfði sér frá UEFA og Kudela segir að hann hafi kvartað við lögregluna yfir höggi sem hann segist hafa fengið í andlitið frá Kamara.
„Hann kom til mín og sagði að ég væri helvítis api, hann sagði ´Þú ert api og veist það´,“ segir Kamara í viðtali við skoska fjölmiðla í gær.
‘He came over and said you’re a f***** monkey’
For the first time since the incident, Rangers’ Glen Kamara has spoken about the alleged racist abuse he was subjected to by Slavia Prague’s Oleg Kudela https://t.co/ezyQQ3nFpw pic.twitter.com/67GvPBj5WW
— ITV News (@itvnews) April 7, 2021