Arsenal ætlar að gera aðra tilraun til þess að kaupa Wilfried Zaha en félaginu mistókst að fá hann sumarið 2019. Ensk blöð segja frá.
Zaha sem er 28 ára gamall vildi fara til Arsenal árið 2019 en Crystal Palace tók ekki þeim tilboðum sem komu.
Arsenal vill reyna aftur í sumar en til þess að kaupa Zaha þarf félagið að byrja á að losa um fjármuni. Í fréttum á Englandi kemur fram að félagið skoði að selja Alexandre Lacazette.
Franski framherjinn kom til Arsenal árið 2017 fyrir 52 milljónir punda, Inter, Roma, Sevilla og Atletico Madrid hafa áhuga á Lacazette.
Zaha er samningsbundinn Palace til 2023 en möguleiki er á að félagið selji hann fyrir um og yfir 40 milljónir punda í sumar.
