Everton og Crystal Palace mættust í 30. umferð ensku úrvalsdeildarinnar í gær. Leiknum lauk með 1-1 jafntefli en leikið var á heimavelli liðsins, Goodison Park. Gylfi Þór Sigurðsson, var á meðal varamanna Everton en kom inn á eftir hálftíma leik fyrir André Gomes.
James Rodríguez kom Everton yfir með marki á 56. mínútu eftir stoðsendingu frá Seamus Coleman. Þannig stóðu leikar allt þar til á 86. mínútu þegar að Michy Batshuayi jafnaði metin fyrir Crystal Palace með marki eftir stoðsendingu frá Jeffrey Schlupp.
Everton er eftir leikinn í 8. sæti deildarinnar með 49 stig. Crystal Palace er í 12. sæti með 37 stig.
Gylfi Þór fær ágætis dóma fyrir innkomu sína í gær. „Reyndi að virkur þáttakandi í sóknarleik liðsins og spilaði nálægt Richarlison og Calvert Lewin. Snertingin sveik hann stundum,“ segir í grein Liverpool Echo en staðarblaðið í Bítlaborginni gefur honum 6 í einkunn.
„Hélt alltaf áfram og á svo sannarlega skilið að byrja næsta leik,“ segir í umfjöllun blaðsins.
Everton fékk fjölda færa í gær til þess að klára leikinn en mistókst það en framherjar liðsins fá á baukinn í umfjöllun enskra blaða.