Óvíst er hvaða skref enski framherjinn Gary Martin tekur á ferli sínum nú þegar búið er að rifta samningi hans hjá ÍBV. Hann hefur verið orðaður við KA, Stjörnuna, Vestra, Selfoss og Kórdrengi síðasta sólarhringinn.
Á sunnudag vann ÍBV fínan sigur á Reyni Sandgerði í bikarnum, þegar verið var að fagna í klefanum tók Gary Martin upp Snapchat-myndband þar sem sést í nakinn liðsfélaga. Umrætt efni var síðan sent á leikmenn ÍBV sem allir voru staddir í klefanum, leikmaðurinn umræddi sem myndin var tekin af brást illa við og lagði fram kæru á hendur Gary Martin.
Raunveruleikinn í litlu bæjarfélagi í hnotskurn – „Trúi ekki að það sé typpamynda ákvæði“
Málið vakti mikla athygli í gær þegar ÍBV ákvað að reka enska framherjann burt frá félaginu. Hann er ósáttur með málalok en félagið taldi sig þurfa að ganga svona frá málum, agabrotið væri mjög alvarlegt.
Ólafur Jóhannesson sérfræðingur hjá Stöð2 Sport í íslenska boltanum var spurður út í Gary Martin í stúkunni í gær. Ólafur vann með Gary í stuttan tíma árið 2019 en hann rak hann burt frá Val. „Ég þjálfaði hann í stuttan tíma. Ég er mest ánægður með það að þurfa ekki að taka ákvörðun um það að hvort eigi að taka hann í KA eða ekki,“ sagði Ólafur.
Þegar Ólafur var beðinn um að svara hvort Gary Martin myndi nýtast KA. „Nei, ég segi bara nei.“