Íslandsmótið í knattspyrnu hefst eftir aðeins 8 daga ef sóttvarnarreglur vegna COVID-19 leyfa. Mótið hefst með leik Íslandsmeistara Vals þar sem þeir taka á móti ÍA á Origo vellinum. Síðustu daga hefur komið fram umræða þar sem rætt er afhverju ekkert sé byrjað að auglýsa deildina.
Hjörvar Hafliðason vakti fyrst athygli á þessu í Dr. football podcastinu sínu á þriðjudag.
„Hvar eru allar auglýsingarnar um Pepsi Max deildina? Vakna! Dr. Football sá eini á tánum, sá eini í Ofurdeildinni,“ sagði Hjörvar um málið í þætti sínum.
Hér að neðan má einnig sjá Twitter færslu Óðins þar sem hann gagnrýnir þetta sama og hafa margir tekið undir.
Íslandsmótið er að byrja eftir 9 daga og ég hef ekki séð eina einustu auglýsingu. Er öllum sama um þessa deild eða reiknuðu menn bara með að hún færi ekki af stað útaf COVID? Hvar eru stóru skiltin með Óskari Erni og Elínu Mettu? Hvar er niðurtalningin? Hvar er peppið?
— Óðinn Svan Óðinsson (@OdinnSvan) April 21, 2021