Tottenham rak Jose Mourinho úr starfi í dag eftir misjafnt gengi, hann stýrði Tottenham í tæpa 18 mánuði. Gengi liðsins síðustu vikur hefur verið slæmt og ákvað stjórn félagsins að reka Mourinho.
„Jose og hans starfslið hafa verið með okkur í gegnum erfiðustu tímana í okkar félagi,“ sagði Daniel Levy stjórnarformaður félagsins.
„Jose er algjör atvinnumaður sem sýndi mikinn dugnað í gegnum þennan heimsfaraldur. Ég hef notið þess að vinna með honum og þykir miður að þetta hafi ekki gengið eins vel og við báðir höfðum vonast eftir. Hann er alltaf velkomin aftur hingað.“
Starfslið Mourinho var einnig rekið úr starfi en Ryan Mason mun stýra æfingu liðsins í dag.
Síðasti leikur Mourinho var gegn Everton á föstudag en þar skoraði Gylfi Þór Sigurðsson bæði mörk Everton í 2-2 jafntefli. Karl Sigurðsson, Baggalútur bendir á þetta og skrifar. „Gylfi kláraði Móra,“ skrifar Karl.
Gylfi kláraði Móra. #EVETOT
— Karl Sigurðsson (@kallisig) April 19, 2021