Sex þjálfarar hjá knattspyrnudeild Víkigns eru í sóttkví vegna smita sem komið hafa upp. Frá þessu greinir félagið á Facebook síðu sinni.
„Í ljósi frétta af hópsmitinu á Leikskólanum Jörfa vill Knattspyrnufélagið Víkingur koma eftirfarandi á framfæri. Sex þjálfarar hjá félaginu eru komnir í sóttkví þar af tveir vegna beinna tengsla við einstakling af leikskólanum,“ segir á vef Víkings.
27 greindust með COVID-19 veiruna hér á landi í gær en stór hluti af því hefur tengsl við leikskólann Jörfa. „Hinir fjórir eru starfsmenn skóla eða frístundaheimila í hverfinu og hafa verið sendir í sóttkví af yfirmönnum sínum til að gæta fyllsta öryggis. Ekkert smit hefur greinst innan veggja félagsins.“
Víkingur mun hins vegar halda áfram með æfingar enda voru það skilaboð frá Almannavörnum að ekkert af þessu tengdist félaginu.
„Félagið óskaði eftir svörum frá smitrakningarteyminu við því hvort leggja ætti niður æfingar í nokkra daga meðan staðan er endurmetin Svörin voru mjög skýr – engin smitrakning á sér stað í tengslum við starfsemi félagsins og því ekki ástæða til að loka Víkinni frekar en öðrum skólum eða leikskólum í hverfinu. Æfingar halda því áfram en án allra búningsklefa. Við skiljum þó fullkomnlega foreldra sem vilja halda börnum sínum heima næstu daga.“
Kæru Víkings foreldrar.
Í ljósi frétta af hópsmitinu á Leikskólanum Jörfa vill Knattspyrnufélagið Víkingur koma…
Posted by Víkingur on Monday, 19 April 2021