Leeds United og Liverpool mættust í ensku úrvalsdeildinni í kvöld. Leiknum lauk með 1-1 jafntefli en leikið var á Elland Road, heimavelli Leeds United í skugga mikillar umræðu um fyrirhugaða ofurdeild nokkurra af stærstu félagsliðum Evrópu.
Fyrsta mark leiksins leit dagsins ljós á 31. mínútu. Það skoraði Sadio Mané eftir stoðsendingu frá Trent Alexander-Arnold.
Þannig stóðu leikar allt þar til á 87. mínútu þegar að Llorente jafnaði metin fyrir Leeds með marki eftir stoðsendingu frá Jack Harrison.
Fleiri mörk voru ekki skoruð í leiknum sem lauk með 1-1 jafntefli. Liverpool er eftir leikinn í 6. sæti deildarinnar með 53 stig. Leeds situr í 10. sæti með 46 stig.
Leeds United 1 – 1 Liverpool
0-1 Sadio Mané (’31)
1-1 Llorente (’87)