Jorginho var í viðtali á dögunum hjá Daily Mail þar sem hann ræddi æskuna og drauminn um atvinnumennsku.

Ævintýrið hóft þegar Jorginho yfirgaf æskuheimilið og fór í fótbolta-akademíu í Brusque.

„Ég var þar í tvö ár og það var virkilega erfiður tími. Það voru 50 unglingar að æfa á morgnana og kvöldin og fóru í skóla á þess á milli. Þetta var ógeðslega erfitt. Þaðan sá ég leikmenn fara til Ítalíu og ég hélt að þetta væri tækifærið mitt,“ sagði Jorginho í viðtalinu.

„En þessi staður var ekki sá besti. Stundum þurftum við að borða sama matin þrjá daga í röð og á veturna var ekki heitt vatn í sturtunni. Einn dag kom mamma að heimsækja mig og sá hvað staðurinn var hræðilega skítugur. Hún sagði strax við mig: „Þú kemur með mér, náðu í dótið þitt og komum okkur.“

„En maður getur vanist öllu. Ég bjó þarna og þetta var eins og helvíti en ég var orðinn vanur því. Ég sagði við mömmu: „Mamma þetta er tækifærið mitt og ég ætla ekki að fara bara þó að baðherbergið sé skítugt.“

Þá sagði móðir mín: „Þú þarft ekki að lifa svona,“ en ég sagði við hana: „Ef þú neyðir mig til að hætta og ég verð ekki atvinnumaður þá mun ég kenna þér um að eilífu.“

Jorginho náði að lokum að uppfylla drauminn. Hann kom til Chelsea frá Napoli fyrir tæpum 3 árum síðan en vera hans hjá Chelsea hefur verið upp og niður.